ភ្នំពេញ ៖ មន្រ្តីជំនាញសាលារាជធានី ភ្នំពេញបានធ្វើការសិក្សា
ទីតាំងសំខាន់ៗ ក្នុងរាជធានី ដើម្បីសាងសង់ស្ពានអាកាស ឬផ្លូវក្រោមដី
ចំនូន៣ថែមទៀត
ប្រយោជន៏ដើម្បីបញ្ចៀសការកកស្ទះចរាចរណ៍ដែលកំពុងកើតមានជារៀងរាល់ ថ្ងៃ។
លោក ទូច សំណាង ប្រធានគ្រប់គ្រង គម្រោងអភិវឌ្ឍន៍ក្រុងរណបកោះពេជ្រ
របស់ក្រុមហ៊ុន OCIC បានប្រាប់ឲ្យដឹងថា តាមព័ត៌មានដែលលោកទទួលបាន
គឺមន្ទីរសាធារណការ និងដឹកជញ្ជូនរាជធានី និងសាលារាជធានីភ្នំពេញ មាន
គម្រោងសិក្សាអំពីការកសាងស្ពានអាកាសឬផ្លូវក្រោមដីនៅចំណុចកកស្ទះ
ចរាចរណ៍ចំនួនបីកន្លែងនៅក្នុង រាជធានីភ្នំពេញ៖
ទី១-នៅចំណុចប្រសព្វ រវាងមហាវិថីសហព័ន្ធរុស្ស៊ី និងផ្លូវ ក្រមួនស
ទី២-នៅភ្លើងស្តុបវិទ្យា ស្ថានបច្ចេកវិទ្យាកម្ពុជាចំណុចប្រ សព្វរវាង មហាវិថីសហព័ន្ធរុស្ស៊ី និង មហាវិថីម៉ៅសេទុង
ទី៣ -ភ្លើងស្តុបចំណុចប្រសព្វ មហាវិថីសហព័ន្ធរុស្ស៊ី និងផ្លូវហាណូយ។
លោក វ៉ាន់ វ៉ាត អនុប្រធានមន្ទីររៀបចំដែនដី នគរូបនីយកម្ម សូរិយោដី
និងសំណង់ខេត្តកណ្តាល
និងជាប្រធានអង្គការនិស្សិតកម្ពុជាដើម្បីអភិវឌ្ឍន៍ស្ថាបត្យកម្មសំណង់
រៀបចំដែនដី និងប្រព័ន្ធព័ត៌មានភូមិសាស្រ្ត បាននិយាយថា
ការកកស្ទះចរាចរណ៍គឺទាំងប្រជាពលរដ្ឋ អ្នករកស៊ី
និងអ្នកវិនិយោគពួកគេសុទ្ធតែអាក់អន់ចិត្តនឹងបញ្ហានេះ។
លោកបន្តទៀតថា ការកកស្ទះនេះ គឺកើតចេញពីការអនុវត្តច្បាប់
និងបច្ចេកទេសនៃការរៀបចំហេដ្ឋារចនាសម្ព័ន្ធ។
ចំណុចមួយទៀតគឺការមិនបានគិតគូរឲ្យបានច្បាស់លាស់អំពីកំណើន
ប្រជាពលរដ្ឋក្នុងទីក្រុង និងសេវាកម្មរបស់ប្រជាពលរដ្ឋដូចជាទំហំផ្លូវ
និងចំនួនរថយន្តដែលកំពុងប្រើប្រាស់ថា
តើវាស៊ីចង្វាក់គ្នានឹងចំនួនប្រជាជនក្នុងទីក្រុងដែរឬទេ? ៕
Thursday, March 20, 2014
សាលារាជធានីត្រៀមសាង សង់ស្ពានអាកាស៣ទៀត ដើម្បីបញ្ចៀសការកកស្ទះចរាចរណ៍
Subscribe to:
Post Comments (Atom)
0 comments:
Post a Comment